මාර්තු 02 - වව්නියාවේ ගුඩ්ෂෙඩ් මංසන්ධියේදී අද පස්වරුවේ ක්ලේමෝ බෝම්බයක් පුපුරා ගියේය.

හමුදා ප්‍රකාශක බ්‍රිගේඩියර් උදය නානායක්කාර මහතා පැවසුවේ, අද පස්වරු 4.45 ට පමණ මෙම බෝම්බය පුපුරා ගොස් ඇති බවය.

මෙම පිපිරීමෙන් පුද්ගලයින් 10 දෙනෙකු තුවාල ලබා ඇති අතර, ඔවුන්ගෙන් 6 දෙනෙක් සිවිල් වැසියන් වෙති.

තුවාල ලබා ඇති අනෙක් සිව් දෙනා පොලිස් නිලධාරින් දෙදෙනෙකු හා සිවිල් ආරක්ෂක භටයින් දෙදෙනෙකු බව හමුදා ප්‍රකාශකවරයා පැවසීය.

තුවාලකරුවන් ප්‍රතිකාර සඳහා වවුනියාව රෝහලට ඇතුළත් කර ඇත.

හමුදා ප්‍රකාශක බ්‍රිගේඩියර් උදය නානායක්කාර මහතා පැවසුවේ, මේ වන විට ප්‍රදේශයේ පුළුල් සෝදිසි මෙහෙයුමක් ක්‍රියාත්මක කර ඇති බවය.