අප්‍රේල් 08 - ශ්‍රී ලංකාව සහ බටහිර ඉන්දීය කොදෙව් අතර පැවැති දෙවැනි ටෙස්ට් ක්‍රිකට් තරගයෙන් කොදෙව්වන්ට කඩුලු 6 ක ජයක් හිමි විය.

ට්‍රිනිඩෑඩ්හි ක්වීන්ස් පාක් ඕවල් ක්‍රීඩාංගණයේදී ඊයේ අවසන් වූ එම තරගයේදී බටහිර ඉන්දීය කොදෙව් කණ්ඩායමට ලැබුණු ලකුණු 253 ක ඉලක්කය හඹා ගිය කොදෙව්වන් හට රාම්නරේෂ් සර්වාන් රැස්කළ ලකුණු 102 අගනා සහයක් විණි.

මීට අමතරව ෂිවනරීන් චන්ද්‍රපෝල් නොදැවී ලකුණු 86 ක් රැස් කළේය.

මෙම තරගයේ මුලින් පන්දුවට පහර දුන් ශ්‍රී ලංකා කණ්ඩායම සිය ප්‍රථම ඉනිමේදී ලකුණු 278 ක් ද. දෙවැනි ඉනිමේදී ලකුණු 268 ක් ද රැස් කළහ.

ඊට පිළිතුරු ලෙස කොදෙව්වෝ සිය පළමු ඉනිමේදී ලකුණු 294 ක් ද, දෙවැනි ඉනිමේදී ලකුණු 254 ක් ද රැස් කළහ.

ඒ අනුව කඩුලු 4 ක් පමණක් බිඳ වැටී කොදෙව්වන් සිය ඉලක්කය සපුරා ගැනීමත් සමග දෙපිළම තරගාවලිය සම මට්ටමින් අවසන් විය.