ඒ, රෝහලේ හෙද නිලධාරින් අඛණ්ඩ වැඩ වර්ජනයක් ආරම්භ කිරීම ත් සමගය.

රත්නපුර රෝහලේ මෙම අර්බුදය ඇතිවූයේ, රෝහල් හෙද නිලධාරියෙකු වෛද්‍යවරියකට තර්ජනය කළේයැයි කියන සිද්ධියක් මුල් කර ගනිමිනි.

මේ සම්බන්ධයෙන් සෞඛ්‍ය අමාත්‍යංශයේ විමර්ශන නිලධාරින් පවත්වන ලද පරික්ෂණයෙන් අනතුරුව සිද්ධියට සම්බන්ධ හෙද නිලධාරියා තාවකාලිකව කෑගල්ල රෝහල වෙත මාරු කර යැවීමට පියවර ගෙන ඇත.

ඒ අනුව, රෝහලේ වසා දමා තිබූ ශල්‍ය වාට්ටු යළි විවෘත කරමින් සිය රාජකාරි ආරම්භ කළ බව රජයේ වෛද්‍ය නිලධාරින්ගේ සංගමයේ මධ්‍යම කාරක සභික වෛද්‍ය උපුල් ගුණසේකර මහතා ප්‍රකාශ කළේය.

මේ අතර, සමස්ත ලංකා සුවසේවා සංගමයේ සභාපති ගාමිණි කුමාරසිංහ මහතා ප්‍රකාශ කළේ, සෞඛ්‍ය අමාත්‍යංශය ගත් මෙම තීරණයට විරෝධය පළ කර රෝහල් හෙද නිලධාරින් මේ වන විට අඛණ්ඩ වැඩ වර්ජනයක් ආරම්භ කර ඇති බවය.