අප වාර්තාකරුවන් පැවසුවේ, මේ හේතුවෙන් ප්රදේශයේ ජනතාවගේ දෛනික කටයුතු බොහෝ සෙයින් අඩාළ වී ඇති බවය.
ඔවුන් සඳහන් කළේ, පසුගියදා වවුනියාව ප්රදේශයේදී දේශපාලන සංවිධානයකට අයත් පුද්ගලයෙකු වෙඩි තබා ඝාතනය කිරීමට විරෝධය පළ කිරීම සඳහා මෙම හර්තාල් ව්යාපාරය ක්රියාත්මක වන බවය.
නගරයේ වෙළෙඳ සල් රැසක් ද අද උදෑසන සිට වසා දමා තිබේ.
ප්රදේශයේ පාසල්වලට සිසුන්ගේ පැමිණීම ද අද දිනයේ බොහෝ සෙයින් අඩාළ වී තිබූ බව වවුනියාව පොලිසිය පැවසීය.
පොලිසිය සඳහන් කළේ, මීට අමතරව ප්රදේශයේ ප්රවාහන කටයුතු ද අඩාළව පවතින බවය.
මැයි 10 - අද පැවති නැගෙනහිර පළාත් සභා මැතිවරණයේදී නිදහස් හා සාධාරණ මැතිවරණයක් වෙනුවෙන් පැවති අපේක්ෂා බිඳ වැටුණු බව නිදහස් හා සාධාරණ මැතිවරණයක් සඳහා වන ජනතා ව්යාපාරය හෙවත් කැෆේ සංවිධානය පවසයි.
නිදහස් හා සාධාරණ මැතිවරණයක් සඳහා වන ජනතා ව්යාපාරයේ මාධ්ය සම්බන්ධීකාරක කීර්ති තෙන්නකෝන් මහතා ප්රකාශ කළේ, ඡන්ද දූෂණ රැසක් තමන්ට වාර්තා වූ බවය.
ඇතැම් ඡන්ද මධ්යස්ථානවල නිරීක්ෂණ කටයුතු සඳහා තම සාමාජිකයින්ට අවස්ථාව නොලැබුණු බව ද කීර්ති තෙන්නකෝන් මහතා පැවසීය.
