ශ්රී ලංකාවට යුද ආධාර සැපයීම ඉන්දියාවේ වාණිජ අරමුණක් විය හැකි බවට නවදිල්ලි අගනුවරදී මාධ්යවේදීන් අමතමින් විජයකාන්ත් මහතා ප්රකාශ කළ බව බී.බී.සී.ලෝක සේවය සඳහන් කරයි.
ශ්රී ලංකා රජය චීනය සහ පකිස්තානය සමග සමීප සබඳතා පවත්වා ගැනීමට උත්සහ දරද්දී ඊට ඉඩදීමට ඉන්දියාවට කිසිදු අවශ්යතාවක් නැතැයි ද ඩී.එම්.ඩී.කේ. පක්ෂ සභාපතිවරයා පෙන්වා දී තිබේ.
ඔහු අවධාරණය කරන්නේ, ඉන්දීය රජය ශ්රී ලංකාවේ වාර්ගික අර්බුදය විසඳීමට මැදිහත් වීම අත්යවශ්ය මෙන් ම ශ්රී ලාංකික ද්රවිඩ ජනතාවගේ මානව හිමිකම් සුරක්ෂිත කිරීමට මැදිහත් වීම ද අත්යවශ්ය බවය.
කෙසේ වෙතත්, මෙම මාධ්ය හමුවේදී එල්.ටී.ටී.ඊ. සංවිධානය පිළිබඳව වැඩි දුර යමක් ප්රකාශ කිරීම විජයකාන්ත් මහතා ප්රතික්ෂේප කර ඇත.
ඊට හේතු වශයෙන් ඔහු පෙන්වා දී තිබෙන්නේ, එල්.ටී.ටී.ඊ සංවිධානය තහනම් සංවිධානයක් වීමය.
මැයි 10 - අද පැවති නැගෙනහිර පළාත් සභා මැතිවරණයේදී නිදහස් හා සාධාරණ මැතිවරණයක් වෙනුවෙන් පැවති අපේක්ෂා බිඳ වැටුණු බව නිදහස් හා සාධාරණ මැතිවරණයක් සඳහා වන ජනතා ව්යාපාරය හෙවත් කැෆේ සංවිධානය පවසයි.
නිදහස් හා සාධාරණ මැතිවරණයක් සඳහා වන ජනතා ව්යාපාරයේ මාධ්ය සම්බන්ධීකාරක කීර්ති තෙන්නකෝන් මහතා ප්රකාශ කළේ, ඡන්ද දූෂණ රැසක් තමන්ට වාර්තා වූ බවය.
ඇතැම් ඡන්ද මධ්යස්ථානවල නිරීක්ෂණ කටයුතු සඳහා තම සාමාජිකයින්ට අවස්ථාව නොලැබුණු බව ද කීර්ති තෙන්නකෝන් මහතා පැවසීය.
