මැයි 10 - අද පැවැත්වෙන නැගෙනහිර පළාත් සභා මැතිවරණයේ ප්රතිඵල අදියර 3 කින් ප්රකාශයට පත් කිරීමට සැලසුම් කර තිබේ.
ඒ අනුව ප්රථමයෙන් තැපැල් ඡන්ද ප්රතිඵල නිකුත් කෙරෙනු ඇත.
ඡන්ද ප්රදේශ වශයෙන් සහ අවතැන්වූවන්ගේ ඡන්ද ප්රතිඵල වශයෙන් මෙය ප්රකාශයට පත්කෙරෙන බව සහකාර මැතිවරණ කොමසාරිස් ඩබ්ලිව්. පී. සුමනසිරි මහතා පැවසීය.
නැගෙනහිර පළාත් සභා මැතිවරණයේ පළමු තැපැල් ඡන්ද ප්රතිඵලය හෙට අලුයම
1 ත් 1.30 ත් අතර ප්රකාශයට පත්කිරීමට හැකි වෙතැයි, මැතිවරණ මහලේකම් කාර්යාලය විශ්වාසය පළ කරයි.
මඩකලපුව, කල්කුඩා, පදිරිප්පු, අම්පාර, සමන්තුරේ, කල්මුනේ, පොතුවිල්, ත්රිකුණාමලය, සේරුවිල සහ මුතූර් ලෙස ඡන්ද බල ප්රදේශ 10 ක අද මැතිවරණය පැවැත්වේ.
තැපැල් ඡන්ද ප්රතිඵල නිකුත් කිරීමෙන් අනතුරුව එක් එක් ඡන්ද ප්රදේශවලට අදාළ ප්රතිඵල නිකුත් කෙරෙනු ඇත.
අනතුරුව දිස්ත්රික්ක 3 ට අදාළ ප්රතිඵල නිකුත් කෙරෙන අතර අවසාන වශයෙන් පළාතට අදාළ ප්රතිඵල නිකුත් කිරීමට නියමිතය. |
