ත්රිකුණාමලය පොලිස් අධිකාරි වාස් ගුණවර්ධන මහතා සඳහන් කළේ, පශු සම්පත් නියෝජ්ය අමාත්ය කේ. ඒ. බායිස් මහතාට ඊයේ කිසියම් පිරිසක් පහර දීමට පැමිණි අවස්ථාවේ පොලිස් ස්ථානාධිපතිවරයා ක්රියා කළ ආකාරය හේතුකොට ගෙන මෙම පියවර ගත් බවය.
පශු සම්පත් නියෝජ්ය අමාත්ය කේ. ඒ. බායිස් මහතා නැවතී සිටි බව කියන මුතූර් ප්රදේශයේ නිවසකට ඊයේ සවස කිසියම් පිරිසක් ගල් මුල් ප්රහාරයක් එල්ල කළ අවස්ථාවේ එය මැඩ පැවැත්වීමට පොලිසිය කටයුතු කළේය.
සිද්ධිය සම්බන්ධයෙන් සැකකරුවෙකු ද අත්අඩංගුවට ගෙන තිබේ.
මැයි 14 - පාර්ලිමේන්තු මන්ත්රී විමල් වීරවංශ මහතා සභාපතිත්වය දරන ජාතික නිදහස් පෙරමුණේ මංගල නියෝජිත රැස්වීම අද කොළඹදී පැවැත්විණ.
මෙම අවස්ථාවට විමල් වීරවංශ, නන්දන ගුණතිලක, පියසිරි විජේනායක යන පාර්ලිමේන්තු මන්ත්රීවරුන් ඇතුළු පිරිසක් ද දේශ හිතෛශී ජාතික ව්යාපාරයේ සාමාජිකයින් පිරිසක් ද සහභාගි වූහ.
නිදහසේ නියමුවෝ යනුවෙන් නම් කර තිබූ මෙම රැස්වීමේදී ජාතික නිදහස් පෙරමුණේ වෙබ් අඩවිය ද විවෘත කෙරිණ.
