මාර්තු 24 - බටහිර ඉන්දීය කොදෙව් සමග පැවැත්වෙන පළමු ටෙස්ට් තරගයේ දෙවැනි දිනයේදී ශ්‍රී ලංකා කණ්ඩායම කඩුලු 8 ට ලකුණු 476 ක් රැස් කර සිටියදී ඉනිම අත්හිටවූහ.

ඊයේ දිනය අවසන් වන විට බටහිර ඉන්දීය කොදෙව් පිළ කඩුලු 1 ට ලකුණු 29 ක් රැස්කර සිටියහ.

මහේල ජයවර්ධන ශ්‍රී ලංකා කණ්ඩායම වෙනුවෙන් 136 ක් රැස් කළ අතර එය ඔහුගේ විසිදෙවැනි ටෙස්ට් ශතකය වේ.

චමින්ද වාස් නොදැවී 54 ක් ද, මයිකල් වැන්ඩොට් 52 ක් ද, කුමාර සංගක්කාර 50 ක් ද වශයෙන් ශ්‍රී ලංකා ඉනිම සවිමත් කළහ.

මෙම තරගයේදී සිය මංගල ශතකය වාර්තා කළ මලින්ද වර්ණපුර ලකුණු 120 ක් රැස් කළේය.

ජෙරමි ටේලර් ලකුණු 110 ට කඩුලු 4 ක් බිඳ හෙළීය.