ජන. 02 - මෙවර අධ්යයන පොදු සහතික පත්ර උසස්පෙළ විභාගයේ ප්රතිඵල මත එක් එක් විෂය ධාරාවන්ගෙන් ප්රමුඛස්ථානයට පත්ව සිටින සිසුන්ගේ ලේඛනය විභාග දෙපාර්තමේන්තුව අද ප්රකාශයට පත් කළේය.
ඒ අනුව ජීව විද්යා සහ කලා විෂය ධාරාවන්ගෙන් දිවයිනේ වැඩිම ඉසඩ් ලකුණු මට්ටමක් ලබාගෙන සිටින්නේ, ගාල්ල දිස්ත්රික්කයේ පාසල් දෙකක ශිෂ්ය ශිෂ්යාවන් දෙදෙනෙක්. ගාල්ල ශාන්ත ඇලවීෂියස් විද්යාලයේ ඒ.වී. ඉරෝෂ චන්දිමාල් ජීව විද්යා විෂය ධාරාවෙන් ප්රථම ස්ථානය ලබාගෙන ඇති අතර, බද්දේගම ක්රිස්තුදේව බාලිකා විද්යාලයේ නදීශා හංසමාලී ඈපා කලා විෂය ධාරාවෙන් ප්රථම ස්ථානයට පැමිණ සිටිති.
භෞතික විද්යා අංශයෙන් ප්රථම ස්ථානයට පැමිණ සිටින්නේ, කොළඹ රාජකීය විද්යාලයේ ටී. චරිත යසේන්ද්ර මෙන්ඩිස් ශිෂ්යයාය. විශාඛා බාලිකා විද්යාලයේ තාරණී ගවීෂා වාණිජ අංශයෙන් ප්රථම ස්ථානය හිමි කරගෙන සිටී.
ඊට අමතරව කලා විෂය ධාරාවෙන් දෙවන ස්ථානයට ගාල්ල රිච්මන්ඩ් විද්යාලයේ ජී.එන්. අෂාන් තිලංග සිසුවා පත්ව ඇති අතර තෙවැනි ස්ථානයට පැමිණ සිටින්නේ, මහනුවර ත්රිත්ව විද්යාලයේ ඊ. ඉන්ද්රඛීල විජේසිංහ ඒකනායක සිසුවායි.
ජිව විද්යා අංශයේ දෙවැනි ස්ථානයට මාතර රාහුල විද්යාලයේ සිතිර අකලංක සිසුවා පත්ව සිටින අතර තෙවැනි ස්ථානයට කුරුණෑගල මලියදේව පිරිමි විද්යාලයේ ඩි.එම්. වරුණ සංජීව බාලසූරිය සිසුවා පත්ව සිටී.
වාණිජ අංශයේ දෙවැනි ස්ථානය ගාල්ල මහින්ද විද්යාලයේ නදුන් වික්රමසිංහ සිසුවා හිමි කරගෙන ඇති අතර. තුන්වැනි ස්ථානය කොළඹ ආනන්ද විද්යාලයේ කේ.ඒ. සුපුන් ශෂිප්රිය ගුණසේකර ශිෂ්යයාට හිමි වී ඇත.
භෞතික විද්යා අංශයෙන් දෙවැනි ස්ථානයට කුරුණෑගල මලියදේව පිරිමි විද්යාලයේ කේ.එල්. ජගත් ජයරංග පත්ව සිටින අතර, එම අංශයේ තුන්වැනි ස්ථානයට පත්ව සිටින්නේ, යාපනය හාර්ට්ලි විද්යාලයේ විමලනාදන් රජීවන් සිසුවායි. අංශයේ තුන්වැනි ස්ථානයට පත්ව සිටින්නේ, යාපනය හාර්ට්ලි විද්යාලයේ විමලනාදන් රජීවන් සිසුවායි. |
ජන. 02 - අද උදෑසන 9.30 ට පමණ කොම්පඤ්ඤවීදියේ නිපොන් හෝටලය අසලදී යුද හමුදා බස් රියක් ඉලක්ක කොට පුපුරවා හැර තිබුණේ ක්ලේමෝ බෝම්බයක් බව හමුදා ප්රකාශක බ්රිගෙඩියර් උදය නානායක්කාර මහතා පැවසීය.
ජන. 02 - එක්සත් ජාතික පක්ෂ පාර්ලිමේන්තු මන්ත්රී ටී. මහේෂ්වරන් මහතාගේ ඝාතනය පිලිබඳ පරික්ෂණයක් පවත්වා ඊට සම්බන්ධ පුද්ගලයින් කඩිනමින් අත්අඩංගුවට ගෙන නීති මගින් කටයුතු කරන්නැයි අමෙරිකාව රජයෙන් ඉල්ලා සිටී.
ජන. 02 - ආරක්ෂාව ඉල්ලා තමා විසින් යවන ලද ලිපියට පොලිස්පතිවරයා කිසිදු ප්රතිචාරයක් නොදැක්වීම පිළිබඳව පාර්ලිමේන්තු මන්ත්රී අනුර බණ්ඩාරනායක මහතා දැඩි කණස්සල්ල පළකරයි. 
