අප්‍රේල් 03 - ශ්‍රී ලංකා මුස්ලිම් කොංග්‍රසයේ නායක රවුෆ් හකිම් මහතාට ලබා දී තිබූ පාර්ලිමේන්තු මන්ත්‍රීවරයෙකුට හිමි ආරක්ෂාව වෙනුවට පළාත් සභා මැතිවරණ අපේක්ෂකයෙකුට ලබා දෙන ආරක්ෂාව ලබා දී තිබෙන බව නීතිපතිවරයා ශ්‍රේෂ්ඨාධිකරණයට අද දැනුම් දුන්නේය.

නීතිපතිවරයා මේ බව දැනුම් දුන්නේ, පොලිස්පතිවරයා හා ආරක්ෂක ලේකම්වරයා වෙනුවෙන් මෝසමක් ශ්‍රේෂ්ඨාධිකරණයට ඉදිරිපත් කරමිනි.

සිය ආරක්ෂාව ඉවත් කිරිමට එරෙහිව රවුෆ් හකීම් මහතා මීට පෙර ශ්‍රේෂ්ඨාධිකරණය හමුවේ ගොනු කර තිබූ මූලික අයිතිවාසිකම් පෙත්සම් විභාගයේදී නීතිපතිවරයා එකඟත්වය පළ කර තිබුණේ, ආරක්ෂක වාහනයක් හා ආරක්ෂක නිලධාරීන් රවුෆ් හකීම් මහතාට ලබා දීමටය.

පසුගිය පෙබරවාරි 11 වැනිදා ශ්‍රේෂ්ඨාධිකරණයට එවැනි එකඟත්වයක් පළකර තිබුණ ද, රවුෆ් හකීම් මහතා පාර්ලිමේන්තු මන්ත්‍රී ධුරයෙන් ඊයේ ඉල්ලා අස් වීම නිසා පාර්ලිමේන්තු මන්ත්‍රීවරයෙකුට හිමි ආරක්ෂාව වෙනුවට ඔහුට පළාත් සභා මැතිවරණ අපේක්ෂකයෙකුට ලබා දෙන ආරක්ෂාව ලබා දෙන බව නීතිපතිවරයා අධිකරණයට දැනුම් දුන්නේය.

රැකියා නියෝජිත ආයතනයේ භාරයේ පසු වූ ඇය මෙලෙස ගෙළ වැළලා ගෙන සිය දිවි හානි කර ගෙන ඇති බවට එම ආයතනය එරට පොලිසියට දැනුම් දී ඇත.

සිද්ධිය සම්බන්ධයෙන් රැකියා නියෝජිත ආයතනයේ කිහිප දෙනෙකු කුවේට් පොලිසිය විසින් අත්අඩංගුවට ගෙන තිබේ.

පාරිභෝගික කටයුතු අමාත්‍ය බන්දුල ගුණවර්ධන මහතා ප්‍රකාශ කළේ, විශේෂ අවස්ථාවක් ලෙස සලකා සහල් ආනයනය කරන බවය.

සහනදායී මිලක් යටතේ ශ්‍රී ලංකාවට ප්‍රධාන වශයෙන් සහල් ආනයනය කරනු ලබන්නේ, ඉන්දියාවෙනි.

එහෙත්, බාස්මතී හැර අනෙකුත් සියලු සහල් අපනයනය තහනම් කිරීමට පසුගියදා ඉන්දීය රජය තීරණය කළේය.

මෙම තහනමත් සමග ඉදිරියේදී සහල් මිල තවදුරටත් ඉහළ යාමේ අවදානමක් මතු වන බව පිටකොටුව පැරණි යොන් වීදිය වෙළෙඳ සංගමය පෙන්වා දෙයි.

පසුගිය දිනවල ඇදහැළුණු වර්ෂාව හේතුවෙන් මෙරට වී වගාවට විශාල වශයෙන් හානි සිදුවූ නිසා මෙම තත්ත්වය ද වෙළෙද පොළ තුළ සහල් මිල ඉහළ යාමට බලපා ඇත.

පිටකොටුව වෙළෙඳ පොළෙහි මේ වන විට සම්බා සහල් කිලෝ ග්‍රෑමයක මිල රුපියල් 80 ඉක්මවා ඇති අතර රතු කැකුළු සහල් කිලෝ ග්‍රෑමයක් රුපියල් 65 ක මිලට පවතී.

ඒ, ජනාධිපති මහින්ද රාජපක්ෂ මහතාගේ ප්‍රධානත්වයෙනි.

1979 වසරේ ජූලි මාසයේදී "එයාර් ලංකා" නමින් මෙරට තුළ ගුවන් සේවයක් ස්ථාපනය කෙරුණේ, එවකට පැවති "එයාර් සිලෝන්" නමැති ගුවන් සේවය වසා දමමිනි.

"එයාර් ලංකා" ආරම්භයේ සිංගප්පුරු ගුවන් සේවයෙන් කල් බදු පදනම මත ලබා ගත් බෝයිං 707 වර්ගයේ ගුවන් යානා දෙකකින් සිය මෙහෙයුම් කටයුතු සිදු කෙරිණ.

1990 දශකය වන විට "එයාර් ලංකා" ගුවන් සේවය ක්‍රියාත්මක වූ ගමනාන්ත සංඛ්‍යාව 26 කි.

නව පරිච්ඡේදයක් සනිටුහන් කරමින් 1992 වසරේ දෙසැම්බර් මාසයේදී ඊට ඒ -320 වර්ගයේ ගුවන් බසයක් මුල් වරට මිලදී ගැනිණ.

එම ගුවන් සේවයෙහි කොටස් ප්‍රමාණයක් පෞද්ගලික අංශයට ලබා දීමට 1998 වසරේදී තීරණය විය.

ඩුබායිහි එමිරේට්ස් ආයතනය සමග ශ්‍රී ලංකා රජය දස අවුරුදු උපාය මාර්ගික සහයෝගිතාවකට එළැඹුණේ ඒ අනුවය.

ඒ අනුව, එයාර් ලංකා සමාගමේ කොටස්වලින් සියයට 40 ක් කළමනාකාරීත්වය සමග එමිරේට්ස් සමාගමට පැවරුණු අතර ඒ සමගින් එය ශ්‍රී ලංකන් ගුවන් සේවය ලෙස නම් කෙරිණ.

අනතුරුව 1999 සහ 2000 අතර කාල සීමාව තුළ ශ්‍රි ලංකන් ගුවන් සේවයට ඒ -330, ඒ - 340 සහ ඒ - 320 ගුවන් බස් එක් කර ගැනිණ.

විවිධ අභියෝගයන්ට මුහුණ දෙමින් ශ්‍රී ලංකන් ගුවන් සේවය මේ වනවිට රටවල් 22 ක ගමනාන්ත 41 ක් දක්වා සිය සේවා ව්‍යාප්ත කර තිබේ.

මේ වනවිට සමාගමේ ශ්‍රී ලංකා රජය සතු කොටස් ප්‍රමාණය සියයට 51. 05 කි.

එමිරේට්ස් ගුවන් සේවයට සියයට 43. 63 ක කොටස් ප්‍රමාණයක් හිමිව ඇති අතර සෙසු සියයට 5 යි දශම 32 ක කොටස් හිමිව ඇත්තේ, සේවකයින්ටය.

නව කළමනාකරණ වැඩපිළිවෙළ යටතේ සමාගමේ සභාපතිත්වයට ආචාර්ය පී.බී. ජයසුන්දර මහතා පත් කර ඇති අතර නිශාන්ත වික්‍රමසිංහ, ලලිත් ද සිල්වා සහ සුනිල් විජේසිංහ යන මහත්වරුන් අධ්‍යක්ෂ මණ්ඩල සාමාජිකයින් ලෙස පත්ව සිටිති.

එමිරේට්ස් ආයතනය නියෝජනය කරන අධ්‍යක්ෂ මණ්ඩල සාමාජිකයින් වන්නේ, ටිම් ක්ලාක්, ගැරි චැප්මන් සහ නයිජල් හොප්කින්ස් යන මහත්වරුන්ය.

අප්‍රේල් 03 - පසුගිය වසරට සාපේක්ෂව මෙවර අධ්‍යයන පොදු සහතික පත්‍ර සාමාන්‍ය පෙළ විභාගයේදී වැඩි පිරිසක් ගණිතය විෂයය සමත් වූහ.

අධ්‍යාපන අමාත්‍යාංශයේ ලේකම් නිමල් බණ්ඩාර මහතා ප්‍රකාශ කළ පරිදි මෙවර සාමාන්‍ය පෙළ විභාගයට ඉදිරිපත් වූ සිසුන්ගෙන් ගණිතය විෂයය සමත් වී ඇති ප්‍රතිශතය 50.2% කි.

පසුගිය වසරේදී එම තත්ත්වය ආසන්න වශයෙන් 40% ක් විය.

පසුගිය වසරේ පැවති සාමාන්‍ය පෙළ විභාගයට අපේක්‍ෂකයෝ 529,120 ක් පෙනී සිටියහ.

ඉන් 399,163 දෙනෙක් පාසල් අයදුම්කරුවෝ වූහ.

ඉන් අනතුරුව පැයක කාලයක් නාමයෝජනා වලට අදාළ විරෝධතා ඉදිරිපත් කිරිමට වෙන් කෙරෙනු ඇත.

එක්සත් ජාතික පක්ෂය සහ එක්සත් ජනතා නිදහස් සන්ධානය නැගෙනහිර පළාතේ දිස්ත්‍රික්ක තුන සදහා අද නාමයෝජනා භාරදීමට නියමිතය.

එක්සත් ජනතා නිදහස් සන්ධානයේ නාමයේජනා ලැයිස්තු සියලු ජනවර්ග නියෝජනය වන පරිදි සකස් කර ඇතැයි එම පක්ෂයේ මහලේකම් අමාත්‍ය සුසිල් ප්‍රේමජයන්ත මහතා පැවසීය.

එක්සත් ජාතික පක්ෂයේ මහලේකම් පාර්ලිමේන්තු මන්ත්‍රී තිස්ස අත්තනායක මහතා පවසන්නේ තම පක්ෂයේ සහ ශ්‍රී ලංකා මුස්ලිම් කොංග්‍රසයේ සමබර නියෝජනයක් ලැබෙන පරිදි නාමයෝජනා සකස් කර ඇති බවය.